بەهای دۆلار له‌ بازاڕه‌كانی هه‌رێم به‌رامبه‌ر به‌دینار به‌رزبوه‌وه‌

نرخی نەوت ئەمڕۆ دابەزینی بەخۆیەوە بینی، دوای ئەوەی داتاکان ده‌ریانخست کە چالاکیی بەرهەمهێنان لە چین خاوبوەتەوە، هاوکات وەبەرهێنەران چاوەڕوانی راپۆرتی خەرجییەکانی بەکاربردنی کەسی لە ئەمریکاش بون، کە بڕیارە بڵاوبکرێتەوە.

ئه‌مڕۆ پێنجشەممە نرخی نه‌وتی برێنت 12 سەنت کە دەکاتە 0.1% دابەزیوە و گەیشتوەتە 85.74 دۆلار بۆ هەر بەرمیلێک، نرخی نه‌وتی تێكساسیش بە ڕێژەی 0.1% دابەزی و گەیشتە 81.58 دۆلار.

چالاکییەکانی بەرهەمهێنانی چین بۆ پێنجەمین مانگی لەسەریەک لە مانگی ئابدا کەمبوەتەوە

ڕاپرسییەکی فەرمی دەریخستوه‌ کە چالاکییەکانی بەرهەمهێنانی چین بۆ پێنجەمین مانگی لەسەریەک لە مانگی ئابدا کەمبوەتەوە، ئەوەش نیگەرانییەکانی لەبارەی داتا لاوازەکانی ئەم دواییەی گەشەسەندن لە دوەم گەورەترین ئابوری جیهاندا دروستکردوە.

وەبەرهێنەران چاوەڕوانی ئاماری هەڵاوسانن

وەبەرهێنەران چاوەڕوانی ئاماری هەڵاوسانن، کە بە خەرجییەکانی بەکاربردنی کەسی لە ئەمریکا دەپێورێت، کە ئه‌مڕۆ پێنجشەممە بڵاودەکرێتەوە.

تائێستا نرخی نەوت بەرەو بەرزبونەوەی هەفتانە دەڕوات بەهۆی داتاکانی حکومەتی ئەمریکا کە خستنەڕوی نەوتی خاو کەمترە لەوەی پێشبینی دەکرا و کودەتا سەربازیەکەی ڕۆژی چوارشەممەش لە گابۆن، ئەندامی رێکخراوی وڵاتانی هەناردەکاری نەوت (ئۆپێک) کە ترسی دابینکردنی نەوتی بەرزکردەوە.

شرۆڤەکاران پێشبینی دەکەن، سعودیە کەمکردنەوەی خۆبەخشانەی بەرهەمهێنانی نەوت بە بڕی یەک ملیۆن بەرمیل لە ڕۆژێکدا درێژبکاتەوە

شرۆڤەکاران پێشبینی دەکەن، سعودیە لە (مانگی تشرینی یەکەم/10)ی ئەمساڵدا کەمکردنەوەی خۆبەخشانەی بەرهەمهێنانی نەوت بە بڕی یەک ملیۆن بەرمیل لە ڕۆژێکدا درێژبکاتەوە بۆ سێیەم مانگ لەسەریەک، ئەوە جگە لەو کەمکردنەوەیانەی هاوپەیمانی ئۆپێک + جێبەجێیکردوە، کە ئۆپێک و هاوپەیمانەکانی بە سەرۆکایەتی ڕوسیا لەخۆدەگرێت.

هەروەها حکومەتی ئەمریکا پێداچونەوەی بە بەرزبونەوەی بەرهەمی ناوخۆیی کرد بۆ 2.1% لە چارەکی پێشودا لەبری ئەو 2.4%ەی مانگی ڕابردو ڕاگەیەندرا، داتاکانی ڕۆژی چوارشەممە دەریانخستوە کە گەشەی هەلی کار لە کەرتی تایبەت لە مانگی ئابدا بە شێوەیەکی بەرچاو خاوبوەتەوە.

ئەمڕۆ پێنجشه‌ممه‌ بەهای دۆلار بەرامبەر بەدینار لە بازاڕەکانی هەرێم به‌رزبوه‌وه‌ و بەهای 100 دۆلار بەرامبەرە بە 153 هەزار و 950 دینار، تمەنی ئێرانیش لە نزمترین ئاستدا جێگیربوە و 100 دۆلار بەرامبەرە بە چوار ملیۆن 900 هەزار تمەن.

نرخی دراوەکانی ئەمڕۆ لە بازاڕەکانی هەرێم‎نرخی دۆلار بەرامبەر دینار

153,950

نرخی تمەن بەرامبەر دۆلار

$100=4,900,000

نرخی لیرەی تورکی بەرامبەر دۆلار

2,670=100$

‎نرخی یۆرۆ بەرامبەر دینار

166,000=€100

‎نرخی پاوەن بەرامبەر دینار

190,000=£100

‎نرخی یۆرۆ بەرامبەر دۆلار

€100=108$

‎نرخی پاوەن بەرامبەر دۆلار

£100=125$